<<Santa Sabbedra si partia, ja a la ligna

e jendu nta n’aspra muntagna

vitta na chiesoledra sdarrupata.

Chidra chiesola no’ portava via.

Guardau dra jntra e vitta a Così sia

guardau all’artaru e vitti a Maria

cu nnu libru alli mani chi leja.

“E va’ Sabbedra torna allegramenti

culla cumpagna, no’ tornari sula.”

Sabbedra era meschina e assai putienti

non avia pane e si partiu a dijunu

e la Madonna la guarda e la mira,

culli sui mani na pitta nci duna.

Chidra era pitta cchiù janca de nivi,

chi culla vista ti nde sazijavi.

Era cernuta culli crivi fini,

de lu celu calata la crisara,

era ‘mpastata de Santa Catarina

e Santa Rosa nci misi lu sala,

fu porgiuta di mani divini,

Cristu la dezi a Mammasa a li mani.

“E bbai, Sabbedra, chiamami all’abati,

dinci de chi manera m’ha dassata

nta sta chiesoledra sdarrupata.

De nuovo jo la vogghiu fabbricata.

”Sabbedra si partiu cu gustu caru

e genti di la Turri nci nde jru

e cull’aiutu assai de Cardinaru

subitamenti la chiesa furniru.

Si furniu la chiesi e restau lu dinaru

e chidra chiesola de vuoti l’inchiru.

“Cerca chi grazia vua chi t’è cuncessa.”

“Io, Madonna mia, te nde ciercu una:

aju nu frata a manu de Turchia

vorria si lu porria recuperara!”

“Domani pàrtisi, piacendu a Diu.”

Culle sue grazie subitu chicau,

vitte lu cotrarieru nta nu liettu.

La notti ja, lu jornu venia

e circundata di stidri paria.

“Levati cotrarieru, vieni cu mmia,

ca su’ mandata de la devota mia!

”Quandu jru a la porta de Sabbedra

de l’allegrizza Sabbedra ciangia,

pigghiau na scunda e si scundau lu piettu,

splendiendu la Vergini Maria.>>

Canto popolare tratto dal libro

"Quattro storie nel Regno

delle Due Sicilie"

di Carla Capece Minùtolo,

Pubblisfera, 2001.